| |
[ 2019/06/08 23:15 |     ty ]
点击在新窗口中浏览此图片
文:笔华棋

逢特定日子,收得最多的 Whatsapp 不是XXX快乐,而是「喂,买咩礼物俾条女好呀?」当中,最有趣的一个问题是:「我想问吓 Cartier 好啲定 Hermès ?」

这个问题很难比较,就像问「国福楼定 Sushi Mori 好食啲?」这个关于那一天你想吃哪国菜,共餐的人是谁,最重要是 budget 多少。即是究竟条女是稳定的 、新媾的,还是翻挞的;更要知道他 budget ,以及想买手袋 、手鈪 、抑或是其他什么?

他答:「女友,手鈪。」

大家一般认知是 Hermès 红的是包包,Birkin 、Kelly 、Constance 等,而 Cartier 红的则是其 Love Bracelet 。

「咁傻仔都知 Cartier 好啲, 不过你 budget 几多先?」我问。

「一皮嘢左右。」

「如果你谂住同条女结婚,我建议你将 budget 加到五皮嘢。」

此话何解?

话说我曾经有一位女朋友,富家女,我第一份送俾佢嘅礼物已经係 Hermès Clic H 手鈪,入门五千蚊。当时已经觉得有啲寒酸,不过条女总算生性,冇嫌弃之余,仲钟意到唔舍得除。

好景不常,我哋分了手,冇再讲嘢。差不多一年后我再撞到佢,事过境迁,于是同佢坐低饮咗杯嘢。寒暄一轮,佢终于入正题:「我见你望住我只手鈪好耐,係呀,你送俾我只 Hermès 我嬲得滞,有日丢咗落海。呢只 Love Bracelet 係我而家男朋友送嘅。」

得喇,唔使 show off ,知你幸福喇,八婆。

她继续:「你千祈唔好误会啊!我唔係想话佢几豪爽,其实我哋都分过手,不过嗰次去到海边谂住丢只鈪落海嘅时候,先发觉无螺丝批,所以先无事。好彩啫,因为我哋之后复合返。」

Cartier Love Bracelet 的18K黄金版盛惠五万大元 (17年推出了售价便宜一半的纤幼版) ,不过佢贵係贵在要用螺丝批先除到,原本寓意着爱的枷锁,点Q知原来係保障签卡嗰个,所以值钱喺呢度。

点击在新窗口中浏览此图片

我朋友听过后说:「好啦!既然係咁,我都係买翻 Pandora 算喇!横掂我都冇谂住同佢做人世。」

Via 本站原创 | TY随笔 | 评论(0) | 引用(0) | 阅读(108)
分享到: